About Us

* यशोगाथा *

गोंदिया जिल्हा परिषद अंतर्गत नक्षलग्रस्त क्षेत्रात आदिवासी बहुल असलेल्या सिरेगावबांधच्या पश्चिमेला ४ किलोमीटर अंतरावर १६ व्या शतकातील शिवकालीन ईतीहासाची ऐतिहासिक साक्ष पटवून देणारे सानगडी गावाचा वारसा प्रेरणादायी आहे. तसेच गावाच्या पूर्वेश समृद्ध वनराईने नटलेल्या व समृद्ध जलाशयाच्या अथांग साठ्याचा साक्षीन मान्य मारोती चितमपल्लीवार पक्षीतज्ञ तसेच पक्षीप्रेमी व अभ्यासू मा.माधवराव पाटील डोंगरवार (पवनीधाबे) यांच्या कर्माने व कर्तुत्वाने पुलंकित झालेल्या त्यांच्या अमृततुल्य स्मुर्ती गंधानी पवित्र झालेल्या ज्या परीस्पर्शात सिरेगावबांध ग्रामपंचायत वंदनीय राष्ट्रसंत तुकडोजी महाराज यांच्या वैचारिक विचारांचा प्रवाह व कर्मयोगी गाडगेबाबा यांच्या कर्तुत्वाचे आदर्श घेऊन वैयक्तिक व सामुहिक जिवन सुधारण्याचा सामुहिक सहभागातून माझ्या गावचं मंदिर शोभल या युक्ती प्रमाणे स्वच्छ,सुंदर व जलयुक्त, हिरवेगार गाव करण्याचा प्रामाणिक प्रयत्न करण्यात येत आहे. गावच्या व जनतेच्या सेवेसाठी या गावचा प्रत्येक नागरिक हा शेवटच्या श्वासापर्यंत सेवक राहूनच अविरत सेवेचा ध्यास घेतला आहे आज जे गावचे चित्र व विकासाची गंगा अविरत प्रवाहित ठेवण्याची हमी देतो.

तसेच अर्जुनी/मोर. पं.समिती क्षेत्रात भंडारा जिल्ह्याच्या सिमेला लागुन उत्तर दिशेला तलावाच्या काठी व निसर्गरम्य वातावरणात बसलेले गाव सिरेगांवबांध. गावाचे एकुण क्षेत्रफळ ४३०.०५ हे आर. आहे. गावात एकुण तिन वार्ड आहेत. गावाची एकुण लोकसंख्या १६९६ आहे. सिरेगांवबांध हे सानगडी ते नवेगाव बांध या जिल्हा मार्गाला जोडला आहे. ग्रा.पं.सिरेगांवबांध ची स्थापना सन- १९५८ ला झालेली आहे. ग्रामपंचायतला आता पर्यंत सन- २००६-०७ ला निर्मलग्राम पुरस्कार, सन- २०१०-११ ला पर्यावरण पुरस्कार, सन-२०१०-११ ला तंटामुक्त गाव पुरस्कार, सन- २०१७-१८ ला संत गाडगेबाबा ग्राम स्वच्छता अभियान (तालुकास्तर) प्रथम पुरस्कार, सन-२०१७-१८ ला स्मार्टग्राम अभियानात प्रथम पुरस्कार (तालुका व जिल्हा स्तरावर), सन-२०१८-१९ ला दीनदयाल उपाध्याय पंचायत सशक्तीकरण पुरस्कार, सन-२०१९ -२० व सन २०२०-२१ ला केंद्र शासनाच्या वतीने बाल-हितैषी ग्राम पंचायत पुरस्कार, तसेच सन- १९१८-१९ ला संत गाडगेबाबा ग्राम स्वच्छता अभियाना अंतर्गत राष्ट्रसंत तुकडोजी महाराज स्वच्छ ग्राम पुरस्कार द्वितीय क्रमांक (विभाग स्थर) असे विविध पुरस्कार प्राप्त आहेत. गावात १ जिल्हा परिषद शाळा, १ आदिवासी आश्रम शाळा आहे. २ अंगणवाडी केंद्र असुन त्यामध्ये १००% शौचालयाची, पिण्याच्या पाण्याची व्यवस्था आहे. ग्रा.पं.सिरेगांवबांध ची करवसुली मागील ४ वर्षापासुन १००% झाली आहे. ग्रा.पं.ची स्वतंत्र वेबसाईट असुन (gpsiregaonbandh.blogspot.com, siregaon.mahapanchayat.gov.in) त्यात सर्व माहिती अपलोड करण्यात येते तसेच whatsapp ग्रुप द्वारे ग्रा.पं. संबंधाने सर्व माहिती ग्रामस्थांना उपलब्ध करून देण्यात येते.

पूर्वी ग्रामपंचायत सिरेगावबांध क्षेत्रामध्ये जवळपास ६०% शेती सिंचनाखाली होती. तसेच गावामध्ये पिण्यासाठी पाणी उपलब्ध होता. परंतु लोकांना शुद्ध पाणी मिळावा म्हणून व पाण्याची पातळी मध्ये वाढ व्हावी. तसेच १००% जागा सिंचनाखाली आणण्यासाठी ग्रामपंचायत व गावकऱ्यांच्या सहकार्याने विविध शासकीय विभागांना हाताशी धरून व लोकांच्या श्रमदानाने जलसंधारनाचे रेन वाटर हार्वेस्टिंग, विहिरीचा गाळ काढणे, वनराई बंधारे बांधणे, पाटचारी दुरुस्ती व गाळ काढणे, नाला सरळीकरण, नाला पुनर्जीवन, तलावातील गाळ काढणे, गावामध्ये सर्व घरांना व शासकीय ठिकाणी शौष खड्डे तयार करून देणे, लूज बोल्डर बंधारे, शेतात बांध बंधीस्ती, कोल्हापुरी बंधारे, पाटचारी अस्तरीकरण, नहर दुरुस्ती व अस्तरीकरण तलावाची पार मजबुती करन, गावामध्ये पेव्हर ब्लॉक बसवून त्या द्वारे पाणी मुरवीणे, फळबाग व बृक्षरोपण असे विविध प्रकारचे कामे करून गावातील मजुरांना काम उपलब्ध करून दिला व गावात पाण्याचा साठा वाढविण्यासाठी तसेच खोल गेलेली पाण्याची पातळी वर आणण्याकरिता प्रयत्न केला. तसेच शेतकऱ्यांना प्रशिक्षण देऊन ठिंबक सिंचन, तुषार सिंचन व कमी पाण्याची पिके लावण्यास प्रोत्साहित करण्यात आले. त्यामुळे आज गावामध्ये ९८% पर्यंत शेतजमीन सिंचनाखाली आणली. व गावामध्ये पिण्यासाठी मुबलक प्रमाणात शुद्ध पाणी उपलब्ध केले. त्यामुळे गावामध्ये मजुरांची, शेतकऱ्यांची आर्थिक परिस्थिती उंचावण्यास मदत झाली. अशा पद्धतीने ग्रामपंचायतणे गावकऱ्यांच्या सहकार्याने गावाला जलसमृद्ध गाव, जलसाक्षर गाव, स्वच्छ व हरित गाव, निरोगी व आरोग्यदायी गाव, गरीबिमुक्त व उपजीविका वृद्दीस पोषक गाव, सामाजीक दृष्ट्या सुरक्षित गाव, स्वयंपूर्ण पायाभूत युक्त गाव तयार झाले. व आज घडीला ग्रामपंचायत मार्फत सुप्रशासन युक्त गाव म्हणून या गावाची ओळख निर्माण झाली.

हे सर्व करीत असतांनी लोकांची आर्थिक बाजु सक्षम झाल्यामुळे गावामध्ये ग्रामपंचायत मार्फत विविध प्रकारचे नाविन्यपूर्ण उपक्रम राबविण्यात आले. ग्रामपंचायत, जिल्हा परिषद शाळा व अंगणवाडी येथे R.O व वाटर कुलर, सॅनीटरी नॅपकीन मशीन व डिस्पोजल मशीन, सार्व. R.O प्रणाली, गावामध्ये ३२ ठिकाणी CCTV कॅमेरे बसविणे, ग्रा.पं.येथे सोलर पॅनल द्वारे विद्युत व्यवस्था व सोलर हिटर द्वारे गरम पाणी, शाळेतील मुलांसाठी खेळण्यासाठी सूशोभीत क्रीडांगण, वृक्षारोपण व ग्रामपंचायतची सुसज्ज प्रशासकीय ईमारत, तसेच महात्मा गांधी राष्ट्रीय ग्रामीण रोजगार हमी योजने अंतर्गत वैयक्तिक लाभाची कामे (सि.विहीर,शेळी शेड,नाडेप खड्डे) ई.कामे ग्रा.पं.मार्फत करण्यात आलेली आहेत. एकंदरीत ग्रा.पं.मध्ये विकासाच्या योजना १००% राबविण्याचा प्रयत्न केला आहे.व विकासाच्या योजना राबवितांना विविध विभाग तसेच गावातील विविध घटक या सर्वांना योग्य प्रमाणात समाविष्ट करण्यात आले आहे. तसेच विकासाच्या विविध योजना राबवीत असतांना वेळोवेळी गावातील लोकसहभाग घेण्यात आलेला आहे.

ग्रामपंचायतीचे नाव :- सिरेगांवबांध

पं.समिती :- अर्जुनी/मोर. जिल्हा :- गोंदिया
स्थापना वर्ष- १९५८

ग्रामपंचायतीला प्राप्त पुरस्काराची माहिती

अ.क्र. पुरस्काराचे नाव वर्ष
१ निर्मल ग्राम पुरस्कार २००६-०७
२ दिनदयाल उपाध्याय पंचायत सशक्तीकरण पुरस्कार (DDUPSP) २०१७-१८
३ बाल हितैषी ग्रामपंचायत पुरस्कार २०१८-१९
४ बाल हितैषी ग्रामपंचायत पुरस्कार २०१९-२०
५ पर्यावरण संतुलित समृद्ध ग्राम योजना २०१०-११
६ महात्मा गांधी तंटामुक्त समिती २०११-१२
७ स्मार्टग्राम पुरस्कार (तालुका स्तरीय प्रथम) २०१७-१८
८ स्मार्टग्राम पुरस्कार (जिल्हास्तरीय प्रथम ) २०१७-१८ ९ संत गाडगेबाबा स्वच्छता अभियान (जिल्हा स्तरीय द्वितीय) २०१८-१९
१० संत गाडगेबाबा स्वच्छता अभियान (विभाग स्तरीय द्वितीय ) २०१८-१९
११ संत गाडगेबाबा स्वच्छता अभियान (राज्यस्तरीय प्रथम) २०१८-१९
१२ हागणदारी मुक्त अधिक (ODF Plus) Module. २०२१-२२
१३ माझी वसुंधरा अभियान पुरस्कार ५.० (विभाग स्तरीय प्रथम) २०२४-२५